Z Budyšyna/Bautzen. Zwězkowe pśedsedaŕstwo Domowiny jo w januarje styrjo prědne a tśo zastupne cłonki ze Sakskeje wuzwólowało za Załožbowu radu. Jaden zastupny cłonk we raźe za Saksku felujo. Toś napominajo zwězkowe pśedsedaŕstwo Domowiny, aby luźe naraźili kandidatow za togo zastupnego cłonka, a to až do 31. julija 2023. To napominanje wobrośijo se nejpjerwjej na serbske zwězki. Teke jadnotliwe mógu se procowaś. Naraźenja dejali se pósłaś na: Domowina, Postowe naměsto (Postplatz) 2, 02625 Budyšyn abo z mejlku na . Te naraźenja deje wopśimjeś pśicynu, cogodla kandidat se góźi, a wupołnjony napšašnik. Napšašnik jo namakaś na homepage www.domowina.de.