Z Chóśebuza/Cottbus. Tuchylu powědaju wjele wót pšawicaŕskich wuknikow w Bórkowach. Wuchadamy pak z togo, až to jo mała mjeńšyna. Hyšći njejo dłujko mimo, a na wjele městnach jo se pisało wót carno-běło-módrych fonow. Je maju luźe w pór serbskich jsach pśed domom, jo, w jadnej jsy teke na majskem bomje. Hyšći njejo dłujko mimo, až smy rozpšawili wót nacistiskich špruchow na wejsnych swěźenjach. Bóžko mógali how stojaś hyšći dalšne njesławne pśikłady.