„Sserby, źaržcźo waschu rěz!“

Von Nowy Casnik Donnerstag, 02. März 2023
Wudaśe Serbskego Casnika w septemberje 1925. Fota: NC repro

Z redakcije/Redaktion. Mina Witkojc jo była znata basnikaŕka a spisowaśelka. Jo se naroźiła w lěśe 1893 w Bórkowach a jo wumrěła 1975 w Popojcach. W lěśe 1923 jo wóna zachopiła pisaś za Serbski Casnik a jo za jen źěłała až do lěta 1933. We tom casu jo pśestajiła teksty z drugich rěcow, na pśikład z rušćiny, češćiny, abo mjazy drugim górnoserbske teksty do dolnoserbskeje rěcy. W lěśe 1931 su ju z redakcije Casnika wen tłocyli, a to jeje demokratiskego nastajenja dla. Dwě lěśe pózdźej jo jej nacionalsocialistiske kněžaŕstwo zakazało dalej pisaś a teksty wózjawiś. Dla togo jo Mina Witkojc musała źěło za Serbski Casnik dokóńcyś. Serbski Casnik jo w lěśe 1925 tuchylu kuždy drugi tyźeń wujšeł, ale pózdźej jano kuždy drugi abo stwórty tyźeń.

Mimo nawjedowanja Serbskego Casnika jo se wóna za to zasajźiła, až se Serby zasej wěcej swóju rěc waže. Pśed něźi 100 lětami jo Mina Witkojc pisała apel z nadpismom „Sserby, źaržcźo waschu rěz!/ Serby, źaržćo wašu rěc!“ To napominanje su prědny raz w Serbskem Casniku wót 10. septembra 1925 wózjawili.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 26,40 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 14,40 € jährlich (für Abonnenten der gedruckten Ausgabe nur 9 €)

Zugang bestellen