Z Radowize/Radewiese. W Rownem jo Domowinska kupka Radowiza pśed pór lětami wiźeła, kak šlachtowański swěźeń wótběgnjo. Něga jo ga było šlachtowanje najsach w zymskem casu pšawy nałog. Žycenje Radowizarjow jo było, to zasej we swójej jsy pśewjasć, tak ako w zachadnych casach. Za to jo Tina Krokorjowa swój dwór k dispoziciji stajiła. Swinja z Rogozna jo nejpjerwjej gluku měła, dokulaž jo ga se rěznik tyźeń pjerwjej palc wótrěznuł. Jo pak měł gluku w njegluce a jogo palc jo se wumógł. Weto jo rěznik dla togo wupadnuł. Glucna swinja jo tyźeń žywjenja pśidobyła, nježli su drugego rěznika namakali.