Ze Strjažowa/Striesow. Swěźeńske drastwy su take rědne, dla togo jo to pšawe woblekanje śim wažnjejše. Rowno k wjelikim zapus-tam jo to zwětšego wupominanje wjele žeńskich woblekaś. Zwětšego pśiźo nazgónitym woblekaŕnicam śěžko, glicku pśiducej generaciji dalej daś.

Aby tomu napśeśiwo statkowała, jo wobstarała Marika Hummelowa w swójej jsy woblekański kurs. „Som se pla nas pšašała we wejsańskej WhatsApp-kupce, chto by lušt měł za taki woblekański kurs a ned jo se pór žeńskich namakało“. Wóna sama jo teke južo pla drugich šlodaŕkow na woblekańskem kursu wobźěliła, ale tak pšawje njejo škricka hyšći pśeskócyła. „Wót Lejnickojc Antje pśewoblekańskeje metody som wjele dobrego słyšała, naraz woblacona za 15 minutow, wšykno sejźi a źaržy“.