Dr. Jürgen Warmbrunn wót Herderowego instituta jo dr. Francoju Šěnoju, wón jo něga nawjedował tu SZB, dr. Ani Pohončowej, wóna jo pśedsedaŕka Maśice Serbskeje, a Witoju Böhmakoju, wón jo wjednik Serbskeje centralneje biblioteki, pśepódał dogromady 172 publikacijow, kótarež póchadaju z w 1940ych lětach wurubjonych wobstatkow z Biblioteki Maśice Serbskeje. Foto: Hanka Šěnec 
Z Budyšyna a Marburga/Bautzen und Marburg. Wobstatki z biblioteki Maśice Serbskeje, kótarež w slědnych lětźasetkach su wuchowali w bibliotece Herderowego instituta za historiske pód-zajtšno- a srjejźnoeuropejske slěźenja w Marburgu, su 16. decembra Serbskemu institutoju w Budyšynje pśepódali. Pśi tom se jadna wó 172 knigłow a casnikow, kótarež su identificěrowali ako „jasne swójstwo Maśice Serbskeje“ w ramiku projekta „Slěźenje z NS rubjonego swójstwa w slěźeńskej bibliotece Herderowego instituta – slěźenje wobstatkow z něgajšnego nakładnistwa Barliń-Dahlem“ nimskego centruma zgubjoneje kultury w Magdeburgu.
Samstag, 18.05.2024
