Dirigent Rotkähl jo swěśił swój 101. narodny źeń

Von Karl Fišer Donnerstag, 01. September 2022
Cłonki žylojskego chora su zaspiwali štucku za dirigenta. Vera Schmidtowa, wjednica chora, stoj na lěwej kšomje. Susanne Rotkählojc

Ze Žylowa/Sielow. Něgajšny chorowy wjednik a rogeński ceptaŕ Helmut Rotkähl, jo swěśił 19. awgusta w krejzu familije a pśijaśelow, ze źiśimi a enkelźiśimi swój 101. narodny źeń. Tak ako kužde lěto su jomu woglědali teke spiwaŕki a spiwarje Nimsko-serbskego Žylojskego chora na tom cesnem dnju a jomu muzikaliski gratulěrowali. Su zgłosyli štucki, kótarež su južo gromaźe ze swójim něgajšnym dirigentom spiwali, a jubilar jo teke tenraz pilnje sobu dirigěrował. W mjenju Chóśebuskego wušego šołty jo wjednica fachowego wobcerjenja Ines Loberowa wutšobnje gratulěrowała.

Helmut Rotkähl jo se we tych wjelesych lětach swójogo aktiwnego chorowego źěła wósebnje procował wó dolnoserbsku chorowu muziku. Wón jo 36 lět –a to wót lěta 1961 až do 1997 – nawjedował Žylojski měšany nimsko-serbski chor. Pśed tym, ale teke w samskich lětach, jo nawjedował teke take chory regiona ako ten w Žylowku abo Dešanku. Za swójo wobšyrne muzikaliske źěło na serbskem polu jo se teke pócesćił z Mytom Domowiny.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 26,40 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 14,40 € jährlich (für Abonnenten der gedruckten Ausgabe nur 9 €)

Zugang bestellen