Jutta von Kettlitz, žeńske z rejowaŕskeje kupki z Tšupca, Marlene Jedrowa a šery mužik su se dali wótmólowaś. Foto: A. Günikerowa 
Z Wjerbna/Wjerbno. Slědny kóńc tyźenja su we Wjerbnje tśi dny dłujko swěśili, nic jano 675. jubilej, ale teke 28. Domowniske a drastwiny swěźeń bórkojskego amta. Pandemije dla jo se toś to wjelike zarědowanje jadno lěto pózdźej wótměło. Błośańsku wjas su prědny raz w urkunźe biskupstwa Mišnjo (Meißen) z lěta 1346 naspomnjeli, jo ale zazdaśim wokoło 1000 lět stara.
Zachopk swěźenja jo skóro do wódy padnuł
