Pódstupim/Potsdam. Šulski amt a bramborske ministarstwo za kubłanje wobstojtej na tom, až Dolnoserbski gymnazium dej swój serbski profil pśiwóstśiś a nowe wukni­ki, kó­tarež zachopiju w nowem šul­­­­­s­kem lěśe wucbu w sedymej klasy, ­pó nowem koncepśe wucyś. Wóny koncept dej garantěrowaś, až wukniki změju až do abitury bilingualnu wucbu we dwěma fachoma (Sachfächer), [doněnta su měli bilingualnu wucbu jano w sekundarnem schójźeńku I] – we wobjad­nosći z wustajenim (how: Ver­ordnung) za serbsku wucbu a za ­gym­nazialny wušy schójźeńk (gym­nasiale Oberstufe). Aby kuždy mógał se na takej wucbje wobźěliś, dej šula wšykne wukniki we serbskej rěcy pózwignuś, na taki niwow, ak jo trěbny za wobźělenje na bilingualnej wucbje. Tomu dej słužyś pśidatna wucba serbskeje rěcy za wšykne. Dotychměst jo šula „serbske štundy“ nałožowała wětšy part za źělonu wucbu, źož Witaj-wukniki su serbsku rěc we małkich kupkach wuknuli. Za take wuknjenje pak njejsu měli žeden pśizwólony koncept – situaciju serbskeje wucby naglěda Hirthe ako „pisanu“, a šulski doglěd (Schulaufsicht) musy za jogo zdaśim how pśimjeś.