Rozgrono z Hanzom Wylem-Kellom z Dolneje Łužyce, cłonkom iniciatiwy a pśedsedarjom partaje Łužyska alianca

Nowy Casnik: Co Wy źaržyśo wót ideje pśedparlamenta?

Hanzo Wylem-Kell: To jo za mójim zdaśim dobra ideja, konkretna pśiduca kšoceń k našomu ciloju. Ty trjebaš ako prědne něco, což jo demokratiski legitiměrowane. Iniciatiwa sama ga jo jano kopicka luźi, kótarež kśě ten parlament na nogi stajiś. Ten pśedparlament buźo prědny leigitměrowany organ. Wón móžo pótom druge nadawki a wušnosćowe pšawa akle wobzamknuś a je za sebje pominaś.

Pódpěraśo ideju Rady starostow? Maśo južo kandidaty z Dolneje Łužyce?

Jo, mě se spódoba ideja rady starostow we funkciji wacharjow politiskeje pócnosći. We Łužycy mamy pótrěbnosć za tym a dejmy wjele skomuźonego na tom pólu zasej do rěcha spóraś. A kandidaty z Dolneje Łužyce by teke wěźeł. Ja mógał se pśedstajiś Wernera Měškanka, fararja Helmuta Hupaca, Měta Nowaka abo Christianu Piniekowu.

Krotki facit teje klawsury za Was?