Na 1. a na 3. boku smy wózjawili wšake k tomu, až dej Dolnoserbski gymnazium (DSG) nowu koncepciju za bilingualnu a serbsku wucbu napisaś. Smy nazběrali k tomu wšake měnjenja.Měnjenja

Anke Hille-Sickertowa, wjed­nica DSG

(njejo nam směła nic groniś, jo zawězana napśeśiwo šulskemu amtoju)

Marcus Końcaŕ, zastupny jadnaŕ Domowiny a zastupny pśedsedaŕ Serbskeje rady

Ta wěc ma dwa boka. K prědnemu wiźim ten tšach, až se te mócy do šyrokosći zbroje a se njekoncentrěruju, dokulaž to ga njebuźo wěcej žedno rozeznawanje mjazy Witaj-wuknikami, drugimi serbšćinu wuknjecymi a zachopjeńkarjami móžno. To groni, až nanejpózdźej wót 9. lětnika žedno efektiwne spěchowanje Witaj-wuknikow njebuźo wěcej móžno. Mimo togo jo iluzija, až te nowacki we běgu dwěju lětowu ten samski rěcny niwow změju ako te Witaj-wukniki, kótarež južo wót źiśownje serbsku rěc znaju.