Carna Plumpa/Schwarze Pumpe. Srjodu tyźeń w industrijowem parku jo se zejšeł nowozałožony zwěstk Lausitzrunde. Jomu pśisłuša 23 wokrejsow, gmejnow, amtow a jsow z bramborskego a sakskego źěła Łužyce. Grodkojska šołtowka Christine Herntier jo wugroniła mysl zwěstka: „My stojmy k tomu, až brunica ako móstowa technologija buźo hyšći dłujki cas trěbna. Glědajucy slědk na naše nazgónjenja z casa 1990, comy my, wšykne 23 partnarje, wšykno cyniś, aby pśez energetiske pśenowjenje w Nimskej njepśišło zasej k skóńcowanju góspodarskich strukturow. Łužyski region njeby jo pśenjasł. Naš cil jo statne dogrono (Vertrag) za europski modelowy region Łužyca“. Wóni pominaju dialog z nimskim kněžarstwom a kśě jomu pokazaś, kak ten problem strukturnego pśeměnjenja mógali rozwězaś.