Ze Zeleneje Góry (Grünberg/Zielona Góra). Drogowanje ze zeleznicu z Łužyce do Krosyna a Zeleneje Góry dej wót junija pśiducego lěta pó wjele lětach zasej móžne byś. Bramborski wobchadowy zwěstk VBB a zastojnstwo Lubuskego wójwodstwa stej gano swójo wujadnanje znate cyniłej. Nejpjerwjej jo planowane, až wósobowe śěgi z Gubina do Zeleneje Góry pśez Krosyn (Krosno) budu jano na kóńcach tyźenja a na swěźenjach jězdźiś – sobotu tśi raz a njeźelu a na swěźenjach dwójcy ku dnju.

Te plany pak dosegaju wjele dalej. Rozmjej, naslědku deje śěgi do Zelenej Góry teke na źěłabnych dnjach we tyźenju jězdźiś. Ale aby se to stało, muse se te kóleje z Gubina do Zeleneje Góry nejpjerwjej pórěźiś a elektrificěrowaś. Śěgi deje pó nich móc malsnjej jězdźiś, ga pótom jo wótglědane šesć do wósym śěgow ku dnju na drogu spóraś. Jich licba buźo wótwisna wót licby drogujucych. A naslědku deje direktne śěgi ze Zeleneje Góry až do Chóśebuza jězdźiś!