Z Města/Cottbus. Šula za dolnoserbsku rěc a kulturu ma kuždy semester wěcej ako 45 kursow za serbšćinu a ma z tym wjeliki nadawk rewitalizacije dolnoserbskeje rěcy za dorosćonych a za kuždego zajmca, kótaryž co serbowaś. Togodla jo rěcna šula se procowała wó głownoamtskego pśistajonego. Z nowym financěrowańskim dojadnanim smy dojśpili zgromadnje ze Załožbu za serbski lud a z městom Chóśebuz nowe městno za nawjedujucego docenta etablěrowaś. Wupisanje a pśedstajenje kandidatow stej něnto mimo a z tym móžo rěcna šula pó 30 lět skóńcnje zasej z pśistajonym ceptarjom za serbšćinu źěłaś.