Chóśebuski filmowy festiwal

Von Nowy Casnik Donnerstag, 14. Oktober 2021

Z Města/Cottbus. Na 19. Łužysku filmowu pśeglědku pšose pónjeźele, 1. nowembra, wót zeger 19:00 do kina „Weltspiegel“. A 31. chóśebuski festiwal pódzajtšno-europskego filma, z 170 filmami w programje, se wrośijo wót 2. do 7. nowembra do chóśebuskich kinow. Prědny raz změju wóni sedym grajaŕnjow – Statne źiwadło, Weltspiegel, Glad-House, Kammer- bühne, Stary měsćański dom, Wjeliku słuchaŕnju BTU Chóśebuz-Zły Komorow a planetarium – z dogromady źaseś płatami. Wušej togo změju paralelnje teke digitalne kino w streamje, to samo hyšći až do 16. nowembra. Kaž pśecej prezentěruju filmy w ramiku styri wuběźowanjow a tradicionelne programowe sekcije, zasej z rozgranjańskimi rundami z filmaŕkami a filmarjami. K wósebnosćam 31. filmowego festiwala słuša, až cesće 100. narodniny kina we Słowakskej, budu se rozestajiś ze slědami perestrojki, z politiskimi pśewrotami pó rozpaźe Sowjetskeje unije, a budu wobswětliś nacasnu turkojsku filmowu krajinu.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 24,00 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 13,20 € jährlich (für Abonnenten der gedruckten Ausgabe nur 7,80 €)

Zugang bestellen