Z Depska/Döbbrick. Case njejsu lažke su wuměłce, gerce a zarědowarje swěźenjow. Pśewšo njekomplicěrowane teke njejo, gaž wejsańska młoźina dej organizěrowaś kokota a njewě, co jo dowólone a co jo zakazane. To jo se wě lažčej, „gaž wjedro jo“ a wšykno móžo byś wence na łuce pód gołym njebjom.

Daś jo: Depšćańskej młoźinje jo se raźiła, swój žnjowny nałog dostojnje wóswěśiś. Pódla jo była kapała „nAund“, ako južo 29 lět dłujko rozwjaselujo wejsanarje na wjele swěźenjach a pśi wšakich góźbow. Tak maju live-band, źož znate štucki graju, a tšubarje, ako pśewóźuju dujaŕske swěźenje, kokoty a zapusty. Wóni budu pśiducy raz słyšaś na dešańskem kokośe. Comy pak teke lubowarje dujaŕskeje muziki na to pokazaś, až nadalej dej jaden wót drugego na dosć wjelikem wótstawku wóstaś.