Wjelim w Dolnej Łužycy jo młoda serbska awtorka Jill-Francis Ketlicojc mjaztym znata ‒ něnto su jeje prědne knigły za źiśi wót 8 lět pód titelom „Wuchack głupack a druge tšojeńka“ w LND wujšli. Na co mógu se cytarje wjaseliś?

Cogodla płaśi wuchack ako głupack a dla cogo jo něnto mudrjejšy? Co jo jadna njepólewanka a co ma wóna cyniś z njewjericku a z njetopyrjom? Kak jo kobołk swóju smjerźinu dostał a cogodla njedajo cerwjene krokuse? Njewšedne a cesto kradu žortne wótegrona na te źiwne pšašanja nadejźośo w tych knigłach. Dalej póznajośo tśoch bratšow-žabow z luštnymi mjenjami Plandrak, Plańtśak a Pumpak, teke pychotnego mjatela, njesromnu myšku, rědnu lodowu soninu a ... och cytajśo ga sami!

2020, 64 b., kšuty wuwězk,

barwne illustracije

rubrika: źiśi (wót 8 lět)

ISBN 978-3-7420-2608-8

płaśizna: 12,90 €

www.domowina-verlag.de