18.11.2023, zeger 13:30 – 14:00, film „Serbska utopija“ – Film „Sorbische Utopie“ – produkcija rbb/ Eine Produktion des rbb.

Wetom až powěźeju aktualne wudaśa magacina Łužyca wó zachadnosći a pśibytnosći, zaběra se „Serbska utopija“ z fiktiwnymi a filozofiskimi pśemyslowanjami kołowokoło wjelikego pšašanja serbskego pśichoda: Co by było móžne? Filmarje z filmoweje seśi ŁUŽYCAFILM su se wupórali na casowe drogowanje. Ze wšakorakimi rěcami formow nastanjo wjelerake moderne glědanje na serbsku kulturu. Prědny raz ako fikcionalna collage wótwórijo „Serbska utopija“ pólo wiźenja zachadnego, pśibytnego a pśichodnego wuwiśa w serbskem konteksće.

Tśi krotkofilmy a jadno ramikowe jadnanje wobswětluju změny serbskeje kultury we corajšnem, źinsajšnem a witśejšem.

Wusćełanje jo jano w bramborskem rbb kanalu wiźeś!