Sobotu, 21.08.2021, zeger 13:40 do 14:10

(w interneśe pód www.rbb-online.de/luzyca)

Witajśo do Łužyce - ducy z motorrolerom

Błota a Łužyska jazorina słušatej k nejwěcej woblubowanym drogowańskim celam w Bramborskej. Wuwabne krajiny, derje wutwarjone kólasowańske sćažki a wjelerake móžnosći za sport pśiwabiju lěto wob lěto wěcej gósći. Wósebne nadejźenja dajo w dwójorěcnem serbskem sedleńskem rumje zadermo hyšći k tomu. Marja Elikowska-Winklerowa a Christian Matthée stej zaměrnje pytałej za takimi póbitowanjami na jeju lěśojskej turje wót Słopišćow w Dolnych Błotach až do Wustanja pśi Grabicańskem jazorje. Reportaža wó luźach, městnach a serbskich tradicijach, pśez kótarež buźo nejrědnjejšy cas lěta za dowolarjow wósebne dožywjenje. Wusćełanje jo jano w bramborskem rbb kanalu wiźeś!