Mósćańska młoźina pśepšosyjo Was wjelgin wutšobnje k lětosnemu kokotoju sobotu 14. awgusta 2021 na sportnišćo. Zeger 14:00 se zachopijo łapanje kokota tam z muzikaliskim pśewóźenim wót kapały Naund, źo rejtarje budu se wuběźowaś wó titel žnjownego krala. Mimo togo budu źowća swóju šykownosć wopokazaś pśi karowanju ze žabami, až móžomy to malsnjejše źowćo swěśiś. Za śělne derjeměśe na městnje jo z piśami, tykańcami a lěbgodami z grila starane. Pózdźej jo Open-Air-zarědowanje zeger 20:00, teke na sportnišću w Mósće. US-Partyband buźo nam dobru mysl napóraś a my móžomy rědny wjacor měś. Zastup buźo wót zeger 19:00.

Za zarědowanje budu aktualne koronowe napšawy płaśeś. My se wjaselimy na Wašo pśiźenje!