Z Wórjejc/Hoyerswerda. Domowina startujo sobotu, 17. julija, na wikach we Wojerecach, zeger 15:00 „Lěto župow“, a to ku góźbje 100. wrośenice załoženja župow w tamnej „Radnej pincy“ dnja 24. julija 1921. Južo 1912 jo se załožył kšywowy zwězk Łužyskich Serbow w domje na drugem boku wikow, źož jo źinsa „Kulturna fabrika“ (Kufa).

W ramiku togo małego swěźeńskego zarědowanja budu wótekšyś wopomnjeńsku toflu, kótaruž dajo město Wórjejce zgromadnje z Domowinu na sćěnje radnicy pśicyniś. Teke kśě tematizěrowaś wuznam župow w zachadnosći, pśibytnosći a w pśichoźe. Gósći pówitaś buźo wušy šołta Wórjejc Torsten Ruban-Zeh, buźo dr. Annett Brězanec, stawiznaŕka a archiwaŕka w Serbskem kulturnem archiwje pśi Serbskem instituśe w Budyšynje, wó roli župow w běgu casa powědaś. Pśedsedaŕ Domowiny, Dawid Statnik, buźo daś wuglěd na dalšnu regionalizaciju statkownosći Domowiny.