Wupisanje

Domowina župa Dolna Łužyca z.t.

wobsajźijo wót 01.02.2022

Městno młoźinskego koordinatora/ młoźinskeje

koordinatorki (m/ ž/ d).

Wósoba buźo zasajźona we jsach serbskego sedleńskego ruma,

Domowinskich kupkach a towaristwach.

Jeje źěło změjo slědujuce śěžyšća:

– nawjedowanje młoźinskego aktiwa

– póraźowanje pśi woplěwanju nałogow a pśewjeźenju zarědowanjow

– póraźowanje pśi nawabjenju a wótlicenju spěchowańskich srědkow

– koordiněrowanje aktiwitow wejsnych młoźinskich kupkow we

wokrejsach Sprjewja-Nysa, Dubja-Błota, Górne Błota-Łužyca

a w bźezwokrejsnem měsće Chóśebuz,

– iniciěrowanje swójskich projektow gromaźe z jadnotliwymi

młoźinskimi kupkami a pósrědnjenje wědy wó serbskich

nałogach a tradicijach.

Źěłowy cas za cełe městno buźo 40 góźin wob tyźeń.

Městno dej se pó móžnosći k 01.02.2022 wobsajźiś.

Móžnosć zaźěłanja jo pó dogronjenju jěsnjej dana.

Pytamy wósobu, kótaraž

– jo komunikatiwna a ma organizatoriski talent

– ma pozitiwne nastajenje

– rada z młodymi luźimi gromadu źěła a se w serbskem

žywjenju derje cujo.