Z Offenbacha/Offenbach. Něnt jo oficielne: Lěto 2020 jo w Nimskej było to druge nejśoplejše w Nimskej, pišo „Deutscher Wetterdienst“. Mjazy lětoma 2011 a 2020 smy měli te styri nejśopłejše lěta w 21. stolěśu, jo, we tom casu, źož luźe wobglěduju wjedro. Wjele słyńca, mało dešća: To jo bilanca łońskego lěta. W Bramborskej jo było nejśoplej, w Barlinju nejsuše.

W slědnyma tyźenjoma jo nanejmjenjej zyma była a z mrokawow jo se pilnje padało. Z tym jo nejpjerwjej kóńc, slědna njeźela jo był wjerašk zymskego wjedra, pišo wjedrowa słužba. Hyšći pak jo na wjele flackach w Nimskej běłe a teke w Europje. „Milne“ buźo wjedro, a mokše bźeze sněga. Zymski raj buźo tajaś.

Hyšći zyma njejo mimo, lěcrownož sněg a lod roztajotej. Chto wě, kak wjedro hyšći buźo!