Z Pódstupima/Drježdźan / Potsdam/Dresden. Zachadny tyźeń 6. januara jo Saksojska agentura za strukturne wuwijanje (SAS)pśistupiła kooperaciji mjazy Góspodaŕskim spěchowanim Bramborska (WFBB), Góspódaŕskim spěchowanim Sakska (WFS) a Góspodaŕskim regionom Łužyca (WRL).

Južo w juniji lěta 2019su tśi pomjenjone aktery ako partnarje gromadu stupili. Wóni se wótmysliju spěchowaś góspodaŕstwo a strukturnu změnu we Łužycy. Pśez to, až pódpěraju komunalne projekty w ramiku kazni za zmócowanje struktury, kśě pógóniś dalšnu změnu. Kněžaŕstwa Sakskeje a Bramborskeje stej kraja pśesegajucu kooperaciju witałej.

Za něnto styrigłowaty zwězk jo Łužyca wjele lubjecy region w Europje, z wjelikim industrielnym potencialom. Partnarje se wósebnje za pśechada energije a mobilnosći zajmuju, kótarejž stej do pśichoda pokazujucej tematice.