Z Niskeje/Niesky. Žeńska we wideo jo ducy z mopedom. Až se źo, to ju njemóli. Zas a zas cyni wóna pawzu. Jeje cel jo njewěsty. To jo źěl wósebnego adwentskego kalendarja, ak buźo namakaś pód www.aufgemacht.net. „Tema togo wideo jo ‚cakaś’, rozwězanje buźo pśechwatanje“, groni Ludwig Hetze. Wón wobstara wót lěta 2005 to młoźinske źěło w Ewangelskem cerkwinem wokrejsu Šlazyńska Górna Łužyca. Zgromadnje z grafikoweju designaŕku Nowakojc Christin, technikarjom Jonasom Naumannom a muzikowym designerom Tobiasom Hoffmannom jo wón prědny raz wugótował digitalny adwentski kalendaŕ. Cerkwiny wokrejs, Załožba „Cerkwja we jsy“ financěrujotej ten projekt rowno tak ako pósćenja.