20.06.2020, 13:35, w rbb telewiziji

Glědajśo! To wusćełanje jo wiźeś jano w bramborskem kanalu rbb.

Serbske žywjenje w casu korona-krize, reportaža. Korona-pandemija. Žywjenje „we wjelikem“ ako teke „we małem“ jo se pśewobrośiło. Rowno kultura mjeńšynow jo žywa wót zgromadnosći a wót powědanja rěcy. Łužyca-awtora Stefan Göbel a Roman Pernak stej wobglědowałej to serbske žywjenje we korona-krizy a z togo zestajiłej reportažu. Tam pójźo mjazy drugim wó ceptaŕku, kótaraž se wusměrijo na digitalne wucbne póbitowanja, wó wustajeńcu, ako se wótgronijo, wó casnikaŕsku redakciju, kótaraž se bóji „powěsćoweje źěry“ - jo měła ale weto wjele rozpšawiś, a wó abiturienty Dolnoserbskego gymnaziuma, kenž su se pśedstajili swój šulski finale ceło hynac.