Južo dlej rozpśedane knigły „Lausitzer Familiennamen slawischen Ursprungs“ lipščańskeho mjenjowědnika Waltera Wenzela su zasej na pśedań. Wěcej ako 5500 familijowych mjenjow serbskego, pólskego a českego póchada jo awtor z telefonowych a adresowych knigłow za ten kompendium zgromaźił a dajo z tym zajmny doglěd do sedleńskich stawiznow tśikrajowego rožka Česka – Šlazyńska – Łužyca.

Pśirucka zmóžnja fachowcam ako teke zajmowanym lajkam dosć jadnory pśistup. Ku kuždemu ze zapśimjonych mjenjow jo pśecej nejstarše žrědło pódane a teke jogo póchad a wóznam rozkłaźony. Zrownju mógu pokazki na se wótchylecu wašnju pisanja słowjańskego mjenja w źinsajšnej nimskej rěcy dobra pomoc byś.

Nowowudaśe mjenjowych knigłow jo do dalokeje měry njezměnjone, jano zapis literatury jo se wó nejnowše fachowe publikacije aktualizěrował.

978-3-7420-2648-4

Brošura

Sprache: deutsch

Preis: 16,90 €

www.domowina-verlag.de