Z Města/Cottbus. Sobuźěłaśeŕce Źěłanišća za serbske kubłańske wuwijanje Chóśebuz (ABC) Lorena Neumannowa a Angela Šurmanowa stej ceptaŕske pórucenja za bilingualnu wucbu stawiznow za 8. lětnik nowo naźěłałej. Pórucenja słušaju k zešywkoju k tematice „Cas rewolucijow w Europje w 18. a 19. stolěśu“ (pśeźěłany nakład 2019). 59 bokow dej wucecym pśigótowańske źěło wólažcyś. Nic jan w printowej, teke w digitalnej formje stajijo ABC z tym materialom ceptarjam a ceptaŕkam zarědnik k dispoziciji. W digitalnej formje dej material k nowemu šulskemu lětoju pśistupny byś na nowej ceptaŕskej platformje ABC. Gaž cośo pórucenja něnt juž měś, móžośo je elektroniski a teke we wězanej formje na napšašowanje w ABC dostaś. Zešywk za bilingualne wucenje stawiznow za 9. lětnik z lěta 2012 změjo pón teke ceptaŕske pórucenja.