ZJAWNE WUPISANJE MĚSTNA

W redakciji NOWEGO CASNIKA

ma se k 1.1.2021 městno

šefredaktora (m/ž/d)

nowo wobsajźiś.

Ludowe nakładnistwo Domowina pyta kreatiwnu a angažěrowanu wósobinu, aby dolnoserbski tyźenik pó wopśimjeśu, organizatoriski a góspodaŕski nawjedowała a pśi tom nawězała na něntejšny profil a tradicije wušej 170 lět dłujkego wuwiśa Casnika.

Nadawki:

– njasć głownu redakcisku zagronitosć za tyźenik Nowy Casnik

– nawjedowaś redakciju a jeje zaměrne źěło pśi planowanju, zestajanju a wudawanju Nowego Casnika w śišćanej a digitalnej formje

– kšuśiś a dalej wuwijaś zgromadne źěło z cytarjami, awtorami a dopisowarjami; ze serbskimi institucijami a towaristwami ako teke z nimskimi institucijami, kenž su wažne za mjeńšynowu politiku na wšych rowninach; ze śišćaŕnju a z institucijami, kenž su zagronite za rozšyrjenje Nowego Casnika

– woplěwaś a dalej wuwijaś zgromadne źěło z partnarjami we wukraju

– efektiwnje wužywaś financielne a druge srědki za pólěpšenje kwality Nowego Casnika a pówušenje licby cytaŕstwa śišćanego a digitalnego wudaśa