Z Budyšyna/Bautzen. Stwórtk tyźeń jo zastojnstwo wokrejsa Budyšyn pó pśepowědanju z Nimsko-serbskem ludowym źiwadłom Budyšyn rozsuźiło, až lětosne budyšyńske źiwadłowe lěśe se dla korona-pandemije wótpowěźejo. Teke w źiwadłowych domach njesměju we toś tom grajnem casu graś a muse wše pśedstajenja wótpowěźeś.

Su se wjelgin procowali, pód danymi wobstojnosćami a pód napołožkami to źiwadłowe lěśe a druge pśedstajenja pśewjasć, ale njejo se raźiło. W lěśu 2021 budu ten spócetnje za lětosa pśedwiźony program źiwadłowego lěśa nachwataś.

Wšykne kórty, kótarež su se južo kupili, mógu se telefoniski abo pśez mejlku storněrowaś. Wažne pśi tom jo, až teke to cysło nadawka (Auftragsnummer) k tomu pódajośo. Storněrowaś móžośo až do 31. julija a wót 8. septembra až do 31. decembra 2020.

Źiwadłowa kasa jo nadalej zacynjona, ale sobuźěłaśeŕki a sobuźěłaśerje stoje telefoniski a pśez mejlku dalej k dispoziciji. Telefoniski su wóni dojśpiś wót wałtory do pětka w casu wót zeger 11:00 do zeger 16:00 pód 03591/584225. Howacej móžośo mejlku pisaś na