Ze Žylowa/Sielow. Njeźelu pśed Tśoch kralow su tudy swěśili serbsko-nimsku muzikalisku namšu. Prjatkowała jo faraŕka Köhlaŕka, 35 luźi jo pśišło. Bjatowanje jo cytał Elias Bisse (foto), Kati Sprigodojc a Carolin Harpojc ewangelium. Gregor Kliem jo na fidlach grał serbski gódowny kjarliž z Hochoze, ak jo se Adolf Černy w 19. stolěśu wótsłuchał a napisał. Spiwał jo Kliem pó starej serbskej wašni, ak jo pódobna muzice drugich Słowjanow.