Z Města/Cottbus. Dnja 19. oktobra jo było w rumnosćach wót Wirtschaftsregion Lausitz (WRL) w měsće źěłowe rozgrono dla źiwanja na to serbske w informaciskich kampanjach WRL („Krasse Lausitz/Łužyca. Wjelicna Krajina“). Ingvil Schirling (zjawnostne źěło WRL), Michał Apel (zastupnik serbskeje rady we wósebnem wuběrku Łužyca krajnego sejma a župan), Ole Schmalfuß (cłonk župnego pśedsedaŕstwa Domowiny) a Měto Nowak (rěcnopolitiski powědaŕ serbskeje rady a sobuźěłaśeŕ Serbskego instituta) su se rozgranjali wó až doněnta dojśpitem ako teke móžnosći hyšći pólěpšyś pśichodne kampanje. Jo to była iniciatiwa Michała Apela w pósejźenju wósebnego wuběrka dnja 2. oktobra. Na jadnem boku wósebnje serbska kultura grajo južo rolu w kampanjach a dajo teke serbskorěcne teksty.