Kótare temy wopśimjejo oktoberske wudaśe Płomjenja?

Wopśimjeśe jo wjelgin wjelerake. Namakajomy w casopisu artikel wó zwěrjetach, dokradnje gronjone wó bobrach, wudrach a nutrijach. Dalšny zajmny tekst z fotami pśedstaja pśirodne barwjenje ze źiśimi. Źo wó proces barwjenja sukna, ako jo kšac pó kšacu wujasnjony. Mimo togo pódajomy se zasej na drogu do Dolneje Łužyce na drugem boce granice. We jsoma Lubomyśl a Złotnik w Pólskej nadejźomy dalšne zajmnostki. Se wě, až teke Rěcny centrum WITAJ jo tema. Institucija jo wóswěśiła swóje 25. narodniny a mjazy drugim wó jubilejnem zarědowanju rozpšawijomy a wobšyrnjej pišomy wó lětosnem Witaj-campje, ako jo jaden z projektow WITAJ-centruma. Teke casopis Płomje ga nastawa w Rěcnem centrumje WITAJ.

Co hyšći caka na źiśi a młoźinu w nowem wudaśu?