Z Bórkow/Burg. Dypkownje ku kóńcoju a wjeraškoju sezony žnjownych nałogow, ku Superkokotoju, jo se zachopinajuce nazymske wjedro pawzěrowało a babine lěśe jo se wót swójogo nejrědnjejšego boka pokazało. Tak jo swěźeński pśeśěg pód błyšćatym słyńcom a z lěśojskimi temperaturami sobotu, 26. septembra, wótpołdnja ku pśigótowanej łuce pśi rožku Wokolice (Ringchaussee) a Wilišćaneje drogi maršěrował. Dłujki śěg z 21 žnjownymi kralami a kralowkami z 20 jsow su dujaŕske gerce kupki nAund pśewóźowali a se wě pózdźej teke łapanje kokota z jadnym abo drugim hitom dujaŕskeje muziki wobogaśili.