Z Budyšyna/Bautzen. We wósebnem pósejźenju załožboweje rady Załožby za serbski lud, ak jo se wótměło 16. septembra, stej se wobzamknułej dwě nowej směrnicy spěchowanja: jadna za spěchowanje projektow a jadna za rozdaśe stipendijow. Zakład za to jo był intensiwny proces wótgłosowanja mjazy Załožbu za serbski lud, Sakskim statnym ministaŕstwom za wědomnosć, kulturu a turizm (SMWK), Sakskim ministaŕstwom financow (SMF) kaž teke Sakskim financnym pśespytowańskim wušym zastojnstwom (Sächsischer Rechnungshof; SRH). Pśez to su byli wótere pśeźěłanja spěchowańskich směrnicow a spěchowańskich konceptow notne.