We Łužycy dajo dwě warianśe módrego mjatelika, kenž ma wósebnu žywjeńsku wašnju, jo pokazany na cerwjony głowac (Großer Wiesen-knopf) a na wósebnu družynu mrojow. Mamy how swětłu a śamnu wariantu togo wjelgin rědkego mjatelika, kótaremuž nimski se groni „Wiesenknopf-Ameisenbläuling“.

Swětlejša warianta ma běłu kšomu na kśidłach a ma wěcej dypkow ako śamna warianta. Zwjerchne boki kśidłow takich mjatelow su módre a carne, dołojcne boki kśidłow su brune a dypkate. Lětaŕski radius ako žywjeński rum jo wětšy, ak se mysliš, take mjateliki lětaju něźi jaden kilomejtaŕ daloko. Žeńskece mjatele mógu teke južo raz pěś kilomejtarjow lětaś, což pak jo skerjej rědko.