Z Wórjejc/Hoyerswerda. Platformu za pśitomnostne serbske wuměłstwo, rěc a kulturu póbitujo festiwal SubSorb łł wót 16. do 18. maja w Kulturnej fabrice (KuFa) we Wórjejcach. Z wjelebocnym programom z muziki, filma, wuměłstwa, pśednoska a interaktiwnego workshopa pśepšosyjo festiwal, serbsku identitu nowo nazgóniś.

„To serbske pśedstajijo se za wětšy źěl jadnobocnje a wjelgin wusko ako jano tradicionelnje. To jo pak teke punk, hip-hop, queernosć a politiske wuznaśe. A jo wótwórjone za wšych, tam źo wó zgromadne dožywjenja. „W nejlěpšem paźe namakajo serbska kultura teke zwenka nišow kaž SubSorb samorozmějucy pśistup do programa Kulturneje fabriki, dokulaž słuša jadnorje k tomu“, groni serbska awtorka, filmaŕka a jadna z organizatorkow festiwala, Grit Lemkowa.