We wokrejsnem měsće Lubin su natwarili mjazy 1960 a 1965 1236 bydlenjow. K tomu jo pśišło 1979 hyšći raz 299 bydlenjow w nowych blokach (1). Weto jo měła město dosć kupnicow, grajkanišćow, parkowanišćow, źiśownjow a rědownjow w šulach. Pódobnje jo to wuglědało teke we wšyknych městach energijowego wobwoda Chóśebuz, dokulaž tencas njejsu twarili za optiměrowanje dobyśa jadnotliwcow abo akcionarjow, ale za derjeměśe wobydlaŕstwa. Inženjery su musali togodla infrastrukturu doplanowaś a su to teke wuměli. Nawopak źinsa. Lěcrownož pśepšosyju južo lěta dłujko wšakorake politikarje a někotare bergaŕske iniciatiwy kuždego studěrowanego, fachowego luźa z tu- a wukraja do našogo kraja, jo zazdaśim kuždy tych mudrackow pśi sebje myslił, až ten imaginarny mark buźo wobstaranje takich luźi a domorodnych wót samego rědowaś. Bźina. Ako jo LR w tyźenju do tśeśego adwenta wózjawiła, co město Chóśebuz něnto na wuzwólowanych šulach dalšne rědownje załožyś, aby kazń na šulsku winowatosć wugbało. Teke Dolnoserbski gymnazij by kandidat był.