Ze Šejnejdy/Schönhöhe. Srjodu, 13. měrca, jo była Andrea Langowa (Lange) z Mósta gósć w Šejnejźe. Docentka za serbske ludowe wuměłstwo co tradiciju mólowanja serbskich jatšownych jajow žywu źaržaś a dalej dawaś. K toś tej zaběrje su se wótpołdnja zmakali źiśi a dorosćone z blišeje wokoliny z njeju w Domje Fryca Rochy w Šejnejźe. Tam jo Andrea Langowa swóju wědu z wobźělnikami źěliła. Wšykne pśibytne su mógali kšasne jatšowne jaja wupyšniś. Jo, to jo wšyknym telik wjasela napórało, až se to w pśiducem lěśe na kuždy pad wóspjetujo.