Z Miłoraza/ Mühlrose. Lěcrownož jo južo wjeliki źěl wobydlari w Miłorazu w slěpjańskej wósaźe swóju wjas wugla dla južo wopušćił a pśeśěgnuł do Nowego Miłoraza blisko Slěpego, wopytaju pśeśiwniki wugla tu wjas wumóžyś pśed wótbagrowanim. Wót wałtory togo tyźenja su kśěli toś we tej serbskej jsy załožyś tak mjenowany klima-camp, a to na tamnem sportnišću. Dokulaž to pak wětšy źěl Miłoraskich a teke LEAG njocotej, su sportnišćo do togo pśewórali a samo gnoj tam kidał, ako jo Casnik zgónił. Toś jo dejał byś camp zwenka jsy. To pak su pśestarcyli.

Slědnu njeźelu su wobydlarje a luźe ze susednego Trjebina na swój part pśeśiwo tomu protestěrowali. Njekśě, až se cuze měšaju do jich žywjenja. Njecuju, až buźo tam samska situacija ako gano pla Lutzeradta w Nordrhein-Westfalskej. „Nein zur Gewalt, bleibt weg zu den Protesttouristen“ – su gronili. Z něźi 250 luźimi su wutwórili dłujki rěd kołowokoło Miłoraza.