Z Brylanda/Friedland. Serby, Nimce a Žydy, kenž su 250 lět dłujko měrnje zgromadnje bydlili, su tema nowych knigłow.

Pód titelom „Model Bryland“/ „Das Modell Friedland“ wopisujo se zgromadne žywjenje tych tśich etniskich kupkow w dolnołužyskem městašku Bryland w bliskosći Bezkowa. Wujšli su knigły w rěźe „Pódstupimskich pśinoskow k Sorabistice“, awtora stej Tobias Pressler a dr. Alfred Roggan.

Žydy su měli w Brylanźe pó 30lětnej wójnje wósebne pšawa a su se dla togo tam zasedlili.

Až do zachopjeńka industrializacije su měli Žydy swójsku wósadu ze synagogu, kjarchobom a kupadłom. Za měrne zgromadne žywjenje tych tśich ludnosćow su tamne kněžarje se z wuspěchom starali. Serbska rěc jo se w Brylanźe w 19. stolěśu wutamała.