Na kaki part Wy bjatujośo?

Miliardy luźi pytaju trošt a pódpěru w módlitwach. Młoge se we wěstych situacijach Bogoju pśiwobrośiju, drugich pśewóźuju bjatowanja pśez wšedny źeń. Na pśikład:

Pójź naš Jezus, buź naš gósć a žognuj, což sy nam wobraźił. Bjatowaś – se pśiwobrośiś Bogoju, to móžo luź ze swójimi słowami, abo z takimi, kótarež su jomu dalej dawali w krejzu familije abo wucyli duchowne ceptarje. Chirurg se módli, aby se komplikowana operacija raźiła a starjejšej, aby se jeju gólc pó śěžkej wobchadowej njegluce wustrowił. Stara žeńska pšosy Boga wó woplěwanje pśed njewjedrom a njedaru. Luźe bjatuju pśed pśespytowanim, pśed wažnymi rozsuźenjami, za raźenje prědkweześow, za swójo strowje abo derjeměśe familije, za měr na swěśe.

Lube cytaŕki a cytarje, na kaki part, z kakimi słowami sćo Wy bjatowali ako źiśi, a kak to gótujośo źinsa? Jo to jadnory tekst abo rym, w nimskej, serbskej abo drugej rěcy? Za to se zajmujo Spěchowańske towaristwo za serbsku rěc w cerkwi z. t. Napišćo nam swóje bjatowanja abo krotke gronka. A k tomu, pśi kakich góźbach sćo je powědali abo je źinsa wužywaśo.