Z Budyšyna/Bautzen. Serbski institut pśedstaja wuslědki dweju slěźeńskeju projektowu. Dr. Astrid Schmiedelowa a Jan Měškank stej pśedstajiłej w Budyšynje aktualny staw wuwiśa serbskich pśedcytańskich funkcijow. Wótněnta stej górnoserbski głos „Matej“ a dolnoserbski „Juro“ zjawnje pśistupnej. Projekt jo se wót Lichotnego stata Sakska z doněnta 700.000 euro spěchował. Projekt ma bariery w interneśe wóttwariś a wužywarjam zmóžniś se serbske teksty pśedcytaś.

Dalšny modul serbskego wědomnostnego portala SORABICON se pśedstajijo: Rěcna krajina Slěpe. Tam jo se rěcne derbstwo slěpjańskego regiona inwentarizěrowało a dokumentěrowało. Teke toś ten projekt jo se mógał z pódpěru Lichotnego stata Sakska we wusokosći něźi 260.000 euro wót maja 2019 do kóńca 2022 zwopšawdniś.