Gronka ochranojskeje bratšojskeje wósady pśewóźuju serbskich kśesćijanow pśez cełe lěto. Nejnowše wudaśe něnt w Ludowem nakładnistwje Domowina pśedlažy. Ekumeniska źěłowa kupka za cytanje biblije jo wubrała gronko lěta 2023 z prědnych knigłow Mojzasa. „Ty, Bog, wiźiš mě“, jo było wumóžujuce nazgónjenje słužabneje źowki na wuběgach někotare lěttysace pśed nami. Luźe tencas ako źinsa dožywiju take wokognuśa dłymokeje wěstosći, až su ceło wósobinski měnjone a Bog jich situaciju wiźi. To gronko jo dobry pśewóźowaŕ pśez nowy lětnik ochranojskich gronkow z Bóžym słowom na kuždy źeń.

(Bóže słowo na kuždy źeń 2023, Gronka ochranojskeje bratšojskeje wósady, wudało Spěchowańske towaristwo za serbsku rěc w cerkwi, zestajił Hartmut S. Leipner, brošura, 120 b.,

ISBN 978-3-7420-2727-6

2,50 €