18.06.2022, zeger 13:30 do 14:00

Łužyca ducy:

Pla nimskich Sinti a Roma

Wjele lět jo moderator Christian Matthée rozpšawjał z Dolneje Łužyce wó Serbach, něnto se pódajo na drogu k tśim dalšnym awtochtonym mjeńšynam a ludowym kupkam w Nimskej – k dańskej mjeńšynje, k nimskim Sinti a Roma a k friziskej ludowej kupce. Christian Matthée jo w Kielu na woglěźe pla nimskich Sinti a Roma. Wón se rozestaja ze stawiznami teje mjeńšyny w Nimskej a starcyjo na kulturelne bogatstwo a se pśecej zasej wóspjetujuce wugranicowanje a wjele tužyce. Moderator se zeznajo w kielskej šuli z dwěma kubłańskima poraźowarkoma, kótarejž dejtej wólažcyś źiśam nimskich Sinti a Roma start do wusokego kubłanja. Pla kupki „Django Forever“ zapokazuju Christiana do bogatstwa gipsy – muziki.

Wusćełanje móžośo glědaś jano w bramborskem rbb kanalu!