Wjele dobrych žycenjow jo głažaŕski wuměłc Richard Wilhelm k 90. narodninam 7. februara w Magdeburgu dostał. Mjazy nimi su tek byli gratulanty z Łužyce. W Budyšynje roźony, jo wón w Magdeburgu studował, tam z mejstarjom za nałožowane wuměłstwo za głažaŕske twórjenje zakóńcył a se tam z pózdźejšu manźelsku Michałkojc zeznał. Swóje zakóńcujuce diplomowe źěło jo wón wěnował serbskej mytologiji k temje a pó słowje na wobrazu zwobraznjene „Mlokowy plon – Polěkować kruwičkam z łožom a z jězu, to jo mlokowy plon“. Srjejźi jo pó motiwje Měta Nowaka-Njechorńskego plon z mlokoweju šklu z barwojtego głažka pśedstajone a górjejce stej wopona Górneje a Dolneje Łužyce wiźeś. Wuměłske źěło jo we wobsejźeństwje Serbskego muzeja w Chóśebuzu.

Pśijaśelstwo jo wón tež ze serbskimi wuměłcami woplěwał: z južo wobspomnjetym a Jurjom Hajnom, ale tež z Wilhelmom Krause-Ostenom. Lěbda buźo dopokaza za starše głažkowe rucnikaŕstwo w Budyšynje a snaź zewšym we Łužycy, ako Wilhelmowe, kótarejež mě jo wót lěta 1688 dopokazane.