Z Chmjelowa/Schmellwitz. Spěchowańske towaristwo za serbsku rěc w cerkwi z. t. (STSRC) wutšobnje pšosy sobotu, 27. nowembra, zeger 14:00, do Serbskego wósadnego zmakanišća na W. Rathenauowej droze 16 w Chmjelowje na lětosnu zgromaźinu swójich cłonkow. To jo wuzwólowańska zgromaźina. Wóna se zachopijo z nabóžninu ze serbskeju koordiněrujuceju promštowku Katharinu Huglarjoweju (Köhleroweju) w susednej Zinzendorfowej cerkwi, ale pśed zmakanim pótom maśo móžnosć, se woglědaś rumnosći wónego Serbskego wósadnego zmakanišća w Chmjelowje. Wšake materialije, ako plakat z gronkom na lěto 2022, gronka Herrnhutarjow a druge knigły, móžośo sobu wześ.

Płaśe aktualne hygieniske napšawy ako nosenje mediciniskich abo FFP2 nagubkow a doźaržanje wótstawka. Dla nowych póstajenjow w Bramborskej jo pśistup za cłonkow a gósći dowólony pó reguli 2G, to groni, za šćěpjonych a wustrowjonych.

Dnjowny pórěd a protokol slědneje zgromaźiny cłonkow stojtej k dispoziciji na internetnem boce www.serby-ekbo.de/start/cerkwine-towaristwowendischer-kirchenverein.html.