Z Chmjelowa/Schmellwitz. Spěchowańskego towaristwa za serbsku rěc w cerkwi z. t. (STSRC) wutšobnje pšosy sobotu, 27. nowembra, zeger 14:00, do Serbskego wósadnego zmakanišća na W. Rathenauowej droze 16 w Chmjelowje na lětosnu zgromaźinu swójich cłonkow. To jo wuzwólowańska zgromaźina. Wóna se zachopijo z nabóžninu serbskeju koordiněrujuceju promštowku Katharinu Huglarjoweju w susednej Zinzendorfowej cerkwi, ale pśed zmakanim pótom maśo móžnosć, se woglědaś rumnosći wónego Serbskego wósadnego zmakanišća w Chmjelowje. Wšake materialije, ako plakat z gronkom na lěta 2022, gronka Herrnhutarjow a druge knigły, móžośo sobu wześ.

Płaśe aktualne hygieniske napšawy ako nosenje mediciniskich abo FFP2 nagubkow a doźaržanje wótstawka. Pśistup jo dowólony pó reguli 3G, to groni, za šćěpjonych, wustrowjonych abo testowany cłonkow a gósći. Móžnosć samotestowanja jo pśed zgromaźinu dana.

Dnjowny pórěd a protokol slědneje zgromaźiny cłonkow stejtej k dispoziciju na internetnem boce www.serby-ekbo.de/start/cerkwine-towaristwowendischer-kirchenverein.html.