Ze Złego Komorowa/Senftenberg. Domowina a wokrejs Górne Błota-Łužyca (OSL) cotej w pśichoźe wušej gromadu źěłaś, jo Domowina slědny tyźeń zwěsćiła. Stakim cotej serbsku rěc a kulturu ako wósebne znamje tych stronow zmócniś. To jo wuslědk rozgrona krajnego raźca Siegurda Heinze (bźez partaje), zagroniteje za serbske nastupnosći togo wokrejsa Hanki Rjelcyneje, pśedsedarja Domowiny Dawida Statnika a Heike Apeltoweje. Slědna wót nich jo powědaŕka dolnołužyskeje Domowinskeje župy. Wóni wšykne su se pónjeźele zmakali w krajnej raźcowni we Złem Komorowje. Wokrejsoju pśisłušaju Lubnjow, Wětošow, Kalawa, Zły Komorow gmejny Nowa Jazorina a Nowe Wiki w amśe Stara Darbnja.