Nic jano futuristiske wizije, ale teke źinsajšne, realne znamjenja pśiducego pśeměnjenja su byli tema na konferency. Wjednica nowego wuspěšnego pśedewześa naGola RE z Janšojc Christina Grätz jo wulicowała wót swójeje firmy. Wóni su se specializěrowali na renaturěrowanje brunicoweje pusćiny, kublu semjenja źiwych zelow a krickow, kótarež su ekologiski gódne. A wóna mysli se na ekspansiju. Pśeto we źiwych zelach štycy wěcej potenciala. Z nich daju se producěrowaś produkty k jěźi, srědnosći za strowje, substance za industriju a za futer zbóžoju. A jeje struskate łuki pśiśěgaju južo něnto mań turistow. Dańske łuki za jeje zdaśim mógu we pśichoźe rowno tak rědne byś ako we Provence.

Dalšne wuspěšne pśedewześe jo gótnica głažka w Cersku (Tschernitz) – wót njeje jo powědał jeje jadnaŕ Uwe Wehder. Wóni se specializěruju na specielny solarny głažk a gótuju jogo 10 milionow m² na lěto (40% pótrěbnosći w Europje). Nic jano w solarnych kolektorach, ale teke w głažkowych wjažkach w gjartnarstwje wiźe swój pśichod – pód takim głažkom krydnu rostliny wěcej słyńcnego swětła a rostu lěpjej.